Ogohlik- davr talabi

Har yili yoʻllarda sodir boʻladigan avtohalokatlar natijasida minglab insonlar tan jarohati oladi va afsuski, bevaqt hayotdan koʻz yumgan insonlar orasida yoshlar va norasida goʻdaklar ham borligi hech kimga sir emas. Fargʻona Davlat Universiteti filologiya fakultetida “Adolat” SDP bilan hamkorlikda “Yoʻllarda xavfsiz harakatni amalga oshiramiz!” shiri ostidagi loyihasi tashkil etildi. Fargʻona viloyat YHX boshqarmasi katta inspektori Sherzod Gʻoyipov talabalar bilan muloqotda yoshlar oʻrasida sodir boʻlayotgan avtoavariyalarning tahlillariga toʻxtalar ekan, aksariyat hollarda yoshlarni yoʻllardan oʻtayotgan vaqtda ham quloqchinlardan foydalanishi va telefonda soʻzlashuvlarni davom ettirishi, yetarlicha eʼtiborsizlik va loqaydlik natijasida kelib chiqayotganligini taʼkidlab, hamisha ogoh boʻlishga chaqirdi.

Tadbirda ishtirok etgan partiyaning viloyat Kengashi bosh mutaxassisi, “Yoshlar qanoati” viloyat boʻlimi raisi Alimardon Akbarov partiyaning maqsad vazifalari, yoshlarning ijtimoiy huquqiy himoyasi borasida amalga oshirilayotgan ishlarga toʻxtalar ekan, barchani adolatchilar safida boʻlishga undadi.

Tadbir savol –javob, bahs –munozaralar bilan barcha ishtirokchilar uchun foydali boʻldi.  

“Adolat”CDP

Farg’ona viloyat kengashi Matbuot xizmati.