Oltinkoʻlda “Adolat” bogʻlari yaratilmoqda

Ayni kunlarda Prezidentimiz tashabbusi bilan joylarda koʻchat ekish, yashil maydonlarni koʻpaytirish harakati qizgʻin bormoqda. Bu borada oltinkoʻllik “adolatchilar” faollik koʻrsatib, “Adolat” nomi bilan bogʻlar tashkil etishga qaror qildi.

Tumandagi Choʻntak mahalla fuqarolar yigʻinida yashovchi xotin-qizlar bilan oila va sogʻlom avlod tarbiyasi mavzusida tashkil etilgan davra suhbati yakunida ham ishtirokchilar “Yashil makon” loyihasi doirasida yaratuvchilik sari yoʻl oldilar. Partiya faollari va mahalliy kengash deputatlari boshchiligida kuzgi koʻchat ekishga kirishildi.

Davlatxon Aslanova, “Adolat” SDP Oltinkoʻl tuman kengashi raisi:

-Partiyadoshlarimiz har sohada faol, tashabbuskor. Bugungi tadbirga asosan uy bekalari taklif etildi. Maqsad ularni respublikamizda amalga oshirilayotgan islohotlardan xabardor qilish barobarida ishtirokini taʼminlash. Ekilgan koʻchatlarga “Adolat” nomi berildi. Biz yaratgan bogʻlar ona tabiatni boyitish barobarida kelajak avlodga tuhfamiz boʻladi.

  Oltinkoʻllik “adolatchilar” tashabbusi qoʻshni tumanlarda ham qanot yozdi.

“Adolat” SDP Andijon viloyati kengashi

Matbuot xizmati.