“OQILA AYOLLAR ” harakati aʼzolari Urgut tumanida

Bugun jamiyatda yangi maʼnaviy makon yaratish, ezgu gʻoyalar, milliy qadriyatlar, urf-odatlar, muqaddas anʼanalarni singdirishga qaratilgan tizimli targʻibot- tashviqot ishlarini olib borish yuzasidan joylarda keng aholi qatlami bilan tadbirlar olib borilmoqda. Mahallalarda oilalarni mustahkamlab, farzand tarbiyasida ota-onaning masʼuliyati, ibratli ota-ona boʻlishning ahamiyati, maʼrifatli jamiyatni qurishda maʼrifatli onalarning rolini keng targʻib qilib kelayotgan Urgutlik oqila ayollar bilan boʻlib oʻtgan galdagi uchrashuv juda maroqli oʻtdi. Urgut tuman 154 maktab binosida Respublika “ Oqila ayollar” ishchi guruhi a'zolari,Respublika Maʼnaviyat va Maʼrifat markazi ekspert-maslahatchisi Jamila Shermuxammedova va tuman Oqila ayollar targʻibot guruhi faollari, Uzbekiston “Adolat”SDP Urgut tuman Kengashi faollari ishtirokida boʻlib oʻtgan yigʻilishda Konstitutsiyaviy qonun loyihasining mazmun-mohiyati, xalqimiz uchun yaratilayotgan keng imkoniyatlar, barcha sohalarni qamrab olinganligi toʻgʻrisida maʼruzalar qilindi.

Yigʻilishda ishtirokchilarga xotin-qizlarning mamlakatimizda amalga oshirilayotgan islohotlarga daxldorlik hissini oshirish, ularga qabul qilinayotgan qonunchilik hujjatlarining mazmun-mohiyati va ahamiyatini xalqchil tilda tushuntirilib bugun mamlakatimizda Konstitutsiyamizda roʻy berayotgan oʻzgarishlar va xotin-qizlarimizga daxldor yangilanayotgan qonuniy normalar toʻgʻrisida ham tushunchalar berildi.

Zamira Abdurahmonova, 

Oʻzbekiston “Adolat” SDP Urgut tuman Kengashi raisi.