Partiya gʻoyalari “Inson qadri uchun” tamoyiliga hamohang

Bugun Mirobod tumanidagi “Sihatgoh” profilaktoriy-sanatoriysida “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining mazmuni va mohiyatini tushuntirish boʻyicha targʻibot tadbiri oʻtkazildi.

Tadbirda Oliy Majlis Qonunchilik palatasi deputati G.A.Agzamova, Xalq deputatlari mahalliy Kengash deputatlari, Toshkent shahar partiya tashkiloti xodimlari ishtirok etishdi.

Maʼlumki, “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining targʻibotiga bagʻishlangan tadbirlar respublikamizning barcha hududlarida oʻtkazilmoqda.

Mazkur tadbirda ham Konstitutsiyaga kiritilayotgan oʻzgartirishlar keng muhokamadan oʻtkazildi.

Taʼkidlash kerakki, kiritilayotgan oʻzgartirishlarda “Inson qadri uchun” tamoyili bosh dasturilamal qilib olinayotganini alohida eʼtirof etish joiz. Ilgari mumkin boʻlmagan va inson huquqlarini ochiqchasiga toptab kelgan taqiqlar olib tashlanayotgani esa demokratik haq-huquqlarimizning chinakam gʻalabasidir. Yigʻilishda ushbu jihatlar alohida eslatib oʻtilar ekan yangi normalar partiya gʻoyalariga hamohang ekanligi taʼkidlandi.

Mehriniso Yakubova,
“Adolat” SDP Toshkent shahar Kengashi
matbuot kotibi