“Partiya patronaji”: Аdolat” safdoshlari ortmoqda

Respublika ixtisoslashtirilgan narkologiya ilmiy-amaliy tibbiyot markazi viloyat filialida “Аdolat” SDPning boshlangʻich partiya tashkilotlaridan biri joylashgan. Uzoq yillar davomida partiya maqsad va vazifalarini amalga oshirishga oʻz hissasini qoʻshib kelmoqda. Partiyaning shahar Kengashi raisi Shahnoza Аhmedova BPT faoliyatida yangi vazifalarni ishlab chiqish va aʼzolar safini kengaytirish maqsadida uchrashuv oʻtkazdi. Unda partiya raisi oʻtgan yildagi faoliyati yuzasidan hisobot berdi hamda joriy yildagi maqsad va rejalari bilan oʻrtoqlashdi. Partiya aʼzoligiga kirish istagini bildirgan 10 nafar tibbiyot xodimi “Partiya patronaji” loyihasi doirasida “Аdolat” safiga qabul qilindi.

– Partiya tadbirlarida ishtirok etib kelaman, – deydi boʻlim katta hamshirasi Zamira Xalatova. – Turli soha vakillari ishtirokida huquqiy bilimlarimizni oshirish, mehnat sohasidagi koʻnikmalarimizni shakllantirishga qaratilgan foydali tavsiyalar beriladi. Qolaversa, tibbiyot vakillarining jamiyatdagi mavqeyini oshirish, ularni qoʻllab-quvvatlashga qaratilgan taklif va tashabbuslariga hamfikrman.

“Аdolat” SDP Fargʻona viloyat Kengashi

Matbuot xizmati.