Partiya tashabbusi bilan yoshlar kasb-hunarga yoʻnaltirildi

Mamlakatimiz yoshlari qanchalik bilimli, iqtidorli, tarbiyali, dunyoqarashi keng, faol fuqarolik pozitsiyasiga ega vatanparvar boʻlib kamolga yetsa, yangi Oʻzbekistonni qurishga shu qadar kamarbasta boʻladi. Shuning uchun ham yurtimizda yosh avlod kamolotiga juda katta eʼtibor berilyapti. Prezidentimiz yoshlarning hayotda oʻz oʻrinlarini topib olishlari uchun har tomonlama gʻamxoʻrlik koʻrsatmoqda.

Partiyaning “Bir oyda bir ish oʻrni” loyihasi doirasida bugun Chiroqchi tuman Kengashi tomonidan kasb-hunar maktabida yoshlarni kasb-hunarga qiziqtirish maqsadida yarmarka tashkil etildi. Unda deputatlar, partiya faollari, hokim yordamchilari, mahalla raislari va yoshlar ishlari bilan shugʻullanuvchi   masʼullar, korxona tashkilot va muassasalar vakillari qatnashdi.

Uchrashuvda partiyaning tuman Kengashi raisi, xalq deputatlari tuman Kengashi deputati Sobir Ahmedov, faollar Farhod Jumanov, Qudduz Sadriyev va boshqalar soʻzga chiqib, yoshlarni kasb-hunar maktabini tamomlagandan soʻng oʻzlari qiziqqan kasblarda qanday faoliyat   yuritishlari uchun hayotiy tushunchalar berishdi. Shuningdek, tadbirkorlik bilan shugʻullanish istagida boʻlgan yoshlarga bank mutasaddilari subsidiya va kredit olish yoʻl-yoʻriqlari xususida   maʼlumot berdi.

Tadbirda yoshlar oʻzlarini qiziqtirgan koʻpgina savollarga javoblar oldilar.

                                                                   Abdimajit Xolmurodov,

 xalq deputatlari Chiroqchi tuman

 Kengashi deputati.