Partiyamiz faoli “Vafo va sadoqat” sohibasi

Soʼlim togʼlar bagʼridagi Soʼx tumanining “Hazrati Аli” mahalla fuqarolar yigʼinida partiya faoli, xotin-qizlarning dardkashi, koʼmakchisi Bibiayon Nuridinova faoliyat yuritib keladi. Opa dilkash va samimiy. MFY idorasining soʼxliklar ishonchiga munosib boʼlishi, u yerga kelgan murojaatchining umidsiz qaytmasligi uchun har bir ishga sidqidildan va masʼuliyat bilan yondoshadi. Аyniqsa, partiyaning “Bir adolatchi – yuz ayolga koʼmakchi” loyihasi doirasida ijtimoiy taʼminotga muhtoj ayollarning dardiga malham boʼlishga, ularni ish oʼrni bilan taʼminlab, kasb-hunarli qilishga astoydil bel bogʼlagan.

Oʼtgan yili mahalladagi 59 nafar xotin-qizlar holatiga qarab, “Аyollar daftari”ga kiritilib, yordam koʼrsatilgan. Joriy yil boshida ularning soni 85 nafarni tashkil etgan.

8-mart – Xalqaro xotin-qizlar kuni munosabati bilan fidoyi, jonkuyar faolimiz Oʼzbekiston “Veteran” jangchi faxriy va nogironlari birlashmasining «Vafo va sadoqat uchun» kukrak nishoni bilan taqdirlandi.

–  Xotin-qizlarimiz bilan suhbat davomida ularning holati bilan yaqindan tanishamiz, – deydi mukofot sohibasi. – Turmush qiyinchiliklaridan charchagan ayrim ayollarimizga psixologik koʼmak, ikki ogʼiz shirin soʼz kerak. Аksariyati uyda hunarmandchilik bilan shugʼullanish istagida boʼladi. Ularni imkon qadar qoʼllab-quvvatlashga va yoʼl-yoʼriq koʼrsatishga harakat qilaman. Qolaversa, tibbiy savodxonligini oshirish, oʼz salomatligi haqida qaygʼurishlari uchun partiyaning viloyat Kengashi bilan hamkorlikda tibbiyot mutaxassislarini jalb etgan holda tibbiy-koʼriklar, tadbirlar tashkil etib boraman. Kelgusida bildirilgan ishonchga munosib boʼlib, faoliyatim samaradorligini yanada oshiraman, albatta.

“Аdolat” SDP Fargʼona viloyat Kengashi Matbuot xizmati.