Partiyaning “Tozalik yoʻlida birlashaylik!” loyihasi Bogʻotda  

Obod yurtning fayzi, tarovati oʻzgacha boʻladi. Zotan, ozodalik, poklik, saranjom va sarishtalik yurtimizning yanada koʻrkam boʻlishiga zamin yaratadi.

Yurtimiz boʻylab, tashkil etilayotgan hasharlar mustaqillik bayrami munosabati bilan izchillashib, mahallalar obodligi, yurt farovonligiga xizmat qilmoqda va yurtimiz jamoli kundan kunga chiroy ochib bormoqda.

Xususan, partiyaning “Tozalik yoʻlida birlashaylik!” loyihasi doirasida bogʻotlik deputatlarimiz ham faollikni qoʻldan berishmayapti. Yoshlar ishlari agentligi tuman boʻlimi rahbari, tuman Kengashi deputati Otajon Matniyozov yetakchiligidagi keng jamoatchilik, partiya faollari, deputatlari ishtirok etgan partiyaning “Tozalik yoʻlida birlashaylik!” loyihasi doirasida tuman boʻylab olib borilgan obodonlashtirish ishlari koʻtarinkilik bilan tashkil etildi.

Mahallalar, dam olish maskanlari hududlari yovvoyi oʻtlardan tozalandi, daraxtlarga ishlov berildi, ariqlar tozalandi va koʻkalamzorlashtirildi.

Bu kabi tadbirlar tumanimiz boʻylab davom etadi.

Saodat Masharipova,

“Adolat” SDP Bogʻot tuman

Kengashi “Ayollar qanoti” raisi.