Qadrlaganlar – qadrga munosib

Jannatmakon diyorimizning har bir qarich zamini aziz va qadrlidir. Betakror tabiati, zilol suvlari, mehmondoʻst insonlari va oʻziga xos qadriyatlarini chuqur anglash insonga zavq va vatanga boʻlgan muhabbat hislarini oshiradi.

“Oʻzbekiston boʻylab sayohat qil!” loyihasi doirasida Oʻzbekiston “Adolat” SDPning Buvayda tuman Kengashi tomonidan xayrli tadbirga qoʻl urildi. Partiyaning boshlangʻich tashkiloti faoli boʻlgan 35- maktab jamoasini ragʻbatlantirish maqsadida Namangan shahridagi “Chodak” dam olish maskanida koʻngilli hordiq chiqarib qaytishlari uchun maxsus transport vositalari bilan taʼminlandi.

Ziyoratgohning betakror tabiati, zilol suvlari, toza havosidan zavqqa toʻlgan ustozlar koʻngilli hordiq chiqarar ekanlar, hamisha “Adolat”chilar saflarida qonun ustuvorligi, yosh avlodga sifatli taʼlim berib, vatan ravnaqi yoʻlida xizmat qilishlarini mamnuniyat bilan aytib oʻtdilar.

“Adolat” SDP Fargʻona viloyat kengashi

Matbuot xizmati.