Qaror ijrosi deputat nazoratida

Mamlakatimizda aholi farovonligini oshirish, hududlarni obod qilish, mahallalarda infratuzilma bilan bogʻliq eng dolzarb masalalarni tizimli hal etish, xususan, joylarda ichki yoʻllar, ichimlik suvi, elektr energiyasi, taʼlim, sogʻliqni saqlash va boshqa infratuzilma obyektlarini yaxshilash maqsadida tizimli ishlar olib borilmoqda.

Oʻzbekiston Respublikasi Prezidentining 2022-yil 25-oktyabrdagi “2022-2023 – yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi Qarori bu borada muhim ahamiyatga ega. Mazkur Qaror ijrosini hududlarda bajarilishini nazorat qilish maqsadida Xalq deputatlari Fargʻona tuman Kengashi deputatlari – F.Mirzayev, O.Dadajonova mahalla faollari bilan hamkorlikda “Birdamlik” MFY hududidan dasturga kiritilgan Ahillik, Hurriyat, Furqat koʻchalari va maktab oʻrtasidagi ariqqa yangi koʻprik qurish ishlari hamda “Qorasuv” MFY hududidagi Kosmonavtlar, Qadriyat, Nizomiy, Firdavsiy, Jomiy va Shijoat koʻchalarining aholi xonadonlari hovlisidan 10 kVli Damkoʻl elektr-energiya taʼminoti havo uzatmasini koʻchirish va 1 dona 250 kVA TP oʻrnatish boʻyicha amalga oshirilayotgan ishlar bilan tanishdilar.

Fargʻona tumani elektr taminoti korxonasi tomonidan “Qorasuv” MFY hududidagi 10 kVli Damkoʻl uzatmasini rekonstruksiya qilish uchun 66 dona temir beton tayanchlar oʻrnatilishi lozim. Dasturda koʻrsatilgan mazkur MFYdagi ishlar toʻxtab qolganligi sababli masʼullarga deputatlik soʻrovi chiqarilishi boʻyicha kelishib olindi.

N.Kаримов,

“Adolat” SDP Fargʻona tuman Kengashi raisi.