Salomatlik tuman boylik

Mamlakatimizda inson manfaatlari eng oliy qadriyat sifatida qaraladi, aholi salomatligini mustahkamlash, farovon kelajagini taʼminlash yoʻlida keng koʻlamli islohotlar amalga oshirilmoqda. Yaqinda Oʻzbekiston Respublikasi Prezidenti Shavkat Mirziyoyev tomonidan xalqimiz salomatligi muhofaza qilish, ularni turli yuqumli va ogʻir xastaliklardan asrash borasida qabul qilingan “2023-2026-yillarda ftiziatriya va pulmonologiya xizmatini yanada rivojlantirishga qaratilgan chora-tadbirlar toʻgʻrisida”gi qarori ham yuqoridagi fikrlarimizning tasdigʻidir.

Albatta, xalqimizda oʻz oʻrnida topib aytilgan bir ibratli maqol bor “Salomatlik tuman boylik”. Haqiqatdan ham qachonki inson salomat boʻlsa uning hayoti ham chiroyli kechadi. Agar insonning sogʻligʻi bezovta qilib tursachi, uning qoʻli bir ishga bormaydi, tushkun kayfiyat, ezgin ruhiyat uni tark etmaydi. Chunki salomatlik bu baxt, salomatlik bu boylik, tinch va osuda umr kechirish degani. Aslida yorugʻ olamda bebaho va topilmas narsa bu salomatlik hisoblanadi.

Tibbiyot sohasida olib borilgan tizimli ishlar natijasi oʻlaroq 2021-yilga kelib tuberkulyozdan kasallanish koʻrsatkichi 100 ming aholiga nisbatan 35,2 tani, oʻlim koʻrsatkichi esa 1 tani tashkil qilib, 2019-yil koʻrsatkichlariga nisbatan mos ravishda 9,3 va 16,6 foizga kamaygani qayd etib oʻtilgan, albatta bu quvonarli hol.

Shuningdek, tuberkulyoz va oʻpka nospetsifik kasalliklari boʻyicha epidemik vaziyatni tahlil qilish, kasallik tarqalish tendensiyalarini prognozlash, takliflar shakllantirish hamda bemorlarning milliy elektron reyestrini yuritish, oʻpka patologiyasining aniqlash uchun yillik tibbiy koʻrik doirasida skrining dasturlarini ishlab chiqilishi va amaliyotga joriy etilishi aholi orasida tarqalayotgan bunday xastaliklarni erta aniqlash va unga qarshi kurashishda tezkor va zarur boʻlgan davo muolajalarini qoʻllashda muhim hisoblanadi.

“Oʻpka salomatligi” mobil brigadasi tomonidan chekka va ekologik jihatdan noqulay hududlarda yashovchi aholiga bepul tibbiy koʻriklar, skrining tadbirlarni tizimli oʻtkazilishi, hududlardagi koʻp tarmoqli markaziy poliklinikalarda “Astma va surunkali obstruktiv oʻpka kasalliklari maktabi”ni tashkil etish orqali oʻpkaning nospetsifik kasalliklariga chalingan bemorlar hayoti sifatini yaxshilash va ularni kasallik zoʻrayishining oldini olishga oʻrgatish ishlarini tashkil etish ushbu dard bilan kurashayotgan insonlarga ruhiy koʻmak berishda samarali boʻladi.

Bir soʻz bilan aytganda Oʻzbekiston Respublikasi Prezidenti Shavkat Mirziyoyevning “2023-2026-yillarda ftiziatriya va pulmonologiya xizmatini yanada rivojlantirishga qaratilgan chora-tadbirlar toʻgʻrisida”gi qarori yurtimizda inson manfaatlari har narsadan ustun ekanligidan, aholi salomatligini asrash davlat siyosati darajasida ekanligidan dalolat beradi.

Tozagul Xoliqova,

Xalq deputatlari Samarqand viloyat Kengashi deputati