Saxovat- benazir qadriyat

Mamlakatimiz mustaqilligining 32 yillik bayrami arafasida “Yangi hayot uchun, Yangi Oʻzbekiston uchun!” shiori ostida Soʻx tumanida ham keng koʻlamdagi ishlar amalga oshirilmoqda. “Saxovat- benazir qadriyat” partiya loyihasi doirasida tumandagi Sariqanda, Saribozorcha, Mulgon, Hazrat Ali mahalla fuqarolar yigʻinlarida istiqomat qiluvchi ehtiyojmand oilalar holidan xabar olindi. Boquvchisidan ayrilgan 11 nafar ayollar tomonidan tarbiyalanayotgan oʻgʻil-qizlarga tumandagi “Hazrat Ali MFY saxovati” jamgʻarmasi tomonidan ajratilgan 5 000 000 soʻm pul yangi oʻquv yiliga zarur kiyim va oʻquv qurollari sotib olishlari uchun tarqatib berildi.

Inson qadri ulugʻlangan yurtning saxovatpesha insonlari bayram arafasida yana koʻplab oilalarga oziq –ovqat mahsulotlari, ayrimlariga ehtiyojlariga koʻra, qurilish materiallari etkazib berildi.

“Adolat” SDP

Farg’ona viloyat kengashi Matbuot xizmati.