Saxovat – benazir qadriyat: Muborak ayyomga ezgu amal bilan...

Partiyaning “Saxovat – benazir qadriyat” loyihasi doirasida Navroʻz umumxalq bayrami, muqaddas ramazon oyi kirib kelishi munosabati bilan viloyat Kengashi raisi oʻrinbosari Sh.Egamov boshchiligida Xalq deputatlari Qoʻshtepa tuman Kengashi deputati, “Margʻilon saxovati” xayriya guruhi taʼsischisi A.Ahmadjonov tomonidan mehr-saxovat tadbirlari oʻtkazildi.

Tadbir doirasida Qoʻshtepa va Yozyovon tumanlari, Fargʻona va Margʻilon shaharlarida istiqomat qiluvchi boquvchisini yoʻqotgan ijtimoiy himoyaga muhtoj 115 nafar oilalarga 15 turga yaqin oziq-ovqat mahsulotlari etkazib berildi.

– Oʻzbekiston – bagʻrikeng diyor. Millat, elat tanlamaydi. Hammani birdek eʼzozlab, mehr-eʼtibor koʻrsatadi, – deydi Fargʻona shahrining A.Qodiriy koʻchasida istiqomat qiluvchi Svetlana Lashuk. – Xalqi ham juda mehribon.

Anʼanalarni qadrlab, ramazon oyi munosabati bilan xonadonimga yoʻqlab kelishibdi, bundan behad quvondim. Saxovatli insonlarni, deputatning ishlariga rivoj tilayman. Ularga hurmatim cheksiz.

 “Adolat”  SDP Farg'ona viloyat Kengashi  Matbuot xizmati.