Saxovat yoʻlida birlashdik

“Adolat” SDP Andijon viloyat kengashi faollari partiyaning “Saxovat yoʻlida birlashaylik!” loyihasi doirasida mahallalarga yoʻl oldilar. Andijon shahar va Shahrixon tumanidagi kam taʼminlangan va ijtimoiy koʻmakka muhtoj oilalarga kirib borgan safdoshlarimiz jamoatchilik orasida mehr-oqibat va saxovat mavzusida suhbatlar tashkil etdilar. Inson qadri Oʻzbekistonda ulugʻlanishi, amaldagi yilda bu masalaga eʼtibor yanada ortgani qayd etildi.

Oʻtkirbek Arziqulov, Xalq deputatlari Andijon shahar kengashi deputati:

- Amaldagi yilni “Inson qadri va sifatli taʼlim yili” deya nomlanishi zimmamizdagi masʼuliyatni yanada oshirdi. Aholini ijtimoiy himoyalash yoʻlida yangi tashabbuslarga boshladi. Biz ham MFY follari bilan hamkorlikda oʻzgalar yordamiga muhtoj oilalarni oʻrganib, yordam qoʻlini choʻzyapmiz. Maqsad-yurtdoshlarimiz Oʻzbekistonda hech kim yolgʻiz qolmasligini, inson qadri oliy qadriyat ekanligini his etib yashasin.

Saxovatli safdoshlarimizning xayrli yurishidan fuqarolar ko'ngli quvonchga toʻldi.

“Adolat” SDP Andijon viloyat kengashi
Matbuot xizmati.