Saylovda faol ishtirok etamiz...

Inson qachon baxt saodatga erishadi, qachonki puxta ilm egallab, halollik yoʻlini tutsa.   Milliy qadriyatlarimiz asnosida taʼlim tarbiya olib, turli yot gʻoyalardan yiroq yura olsa. Afsuski, bugun internet tarmoqlari orqali kirib kelayotgan turli oqimlarning gʻarazli niyatdagi chorlovlari, ommaviy madaniyatning salbiy koʻrinishlari oz boʻlsa-da yoshlarga oʻz ta'sirini koʻrsatmay qolmayapti. Bunday noxush holatlarni oldini olish, yoshlarni boʻsh vaqtlarini unumli tashkil etish, kitobga boʻlgan mehrlarini oshirish maqsadida “Har bir adolatchi — mahallada tarbiyachi” loyihasi doirasi “Adolat” SDP Toshloq tumani Kengashi raisi Farhodjon Alijonov va tuman Kengashi deputati Gulchehraxon Sobirovalar Toshloq shaharchasida istiqomat qiluvchi yoshlar bilan uchrashdilar. Samimiy muloqotlarda partiyaning saylovoldi dasturi, yoshlarning intellektual salohiyatini rivojlantirish borasidagi partiya loyihalari hamda joriy yilning 9-iyul kuni muddatidan avval boʻlib oʻtadigan Prezidentlik saylovida 18 yoshga qadam qoʻyib, ilk bor ijtimoiy -siyosiy jarayonda ishtirok etuvchi yoshlarga saylov qonunchiligi va unda yoshlarning oʻrni haqida ham ma'lumotlar berib oʻtildi. Yoshlarni qiziqtirgan savollarga javoblar qaytarildi. Yoshlar Yangi Oʻzbekistonning yangi taraqqiyotini belgilab beruvchi saylovda faol ishtirok etish istaklarini bildirdilar.  

“Adolat” SDP

Farg’ona viloyat kengashi Matbuot xizmati.