Shaxmat-shashka va stol tennis musobaqasi oʻtkazildi

“Adolat” SDP Sergeli tuman Kengashi bilan hamkorlikda Sergeli tumanidagi 352-maktabda shaxmat-shashka va stol tennisi musobaqasi oʻtkazildi. Besh tashabbus olimpiadasi doirasida oʻtkazilgan mazkur musobaqada 1-sektor hududidagi maktablar oʻzaro bellashishdi.

Musobaqaga Sergeli tuman Xalq taʼlimi boʻlimi vakillari hakamlik qilib bordilar. “Sogʻ tanda – sifatli taʼlim” shiori ostida oʻtgan musobaqa gʻoliblariga Kasaba uyushmasi kubogi topshirildi. 

Musobaqa soʻngida 352- maktab direktori boʻlgan xalq deputatlari Sergeli tuman Kengashi deputati V.Sulaymonova oʻz fikrlarini bildirib oʻtdi:

-Shaxmat-shashka va stol tennisi kabi sport turlari insonlar ongini oʻstirib, salomatliklariga har jihatdan ulkan foyda keltiradi.

Shu bois maktablarda sport musobaqalarini tez-tez oʻtkazib turish zarur. Maktabimizda oʻtkazilayotgan mazkur musobaqada ishtirokchilarning jismoniy, aqliy chiniquvchanligini oshirishga oz boʻlsa-da xizmat qildik, deb oʻylayman.

Mehriniso Yakubova,

“Adolat” SDP Toshkent shahar Kengashi matbuot kotibi.