Siyosiy jarayonlarda faollik zarur...

“Adolat” SDP Fargʻona viloyat Kengashi tomonidan Fargʻona tuman hokimligi binosida partiyaning “Siyosiy-huquqiy bilimlarni mustahkamlash – demokratik jamiyat poydevori!” loyihasi doirasida uchrashuv boʻlib oʻtdi.

Uchrashuvda “Adolat” SDP viloyat Kengashi raisi oʻrinbosari Bunyod Ahmadaliyev, partiyaning tuman Kengashi raisi N.Karimov, xalq deputatlari Fargʻona tuman Kengashidagi “Adolat” SDP deputatlik guruhi rahbari O.Dadajonova hamda xalq deputatlari Fargʻona tuman Kengashi Kotibiyati mutaxassisi Sh.Raximovlar ishtirok etdilar.

Unda “Adolat” qabulxonasiga aholidan kelayotgan murojaatlarni oʻrganib, taʼsir choralarini koʻrish masalalari muhokama etildi.Shuningdek, partiyaning Saylovoldi dasturida aks etgan gʻoya va maqsadlarni aholiga yetkazish, hududlarni oʻrganish va oʻrganish natijalari boʻyicha mansabdor shaxslarning hisobotlarini tinglash va doimiy komissiya hamda sessiya kun tartibiga dolzarb masalalarni kiritish masalalari muhokama qilindi.

“Adolat” SDP

Fargʻona viloyat kengashi Matbuot xizmati.