Sogʻlom hayotga chaqiramiz

Aholi salomatligini mustahkamlash “Adolat” SDPning oʻz oldiga qoʻygan asosiy vazifalaridan biri. Bu borada davolash ishlarini olib borish barobarida tibbiy madaniyatni yuksaltirish, sogʻlom turmush tarzi targʻiboti katta ahamiyatga ega. Partiyaning Izboskan tuman Kengashi tomonidan Guliston mahallasida “Sogʻlom turmush tarzi yoʻlida birlashaylik” loyihasi doirasida oʻtkazilgan tadbirda yuqoridagilar oʻz ifodasini topdi.

Guliston qishloq oilaviy punktidagi boshlangʻich partiya tashkiloti aʼzolari boʻlgan shifokorlar jamoatchilikka toʻgʻri ovqatlanish, isteʼmol qilish mumkin boʻlmagan mahsulotlar haqida tushuncha berdilar. Toʻgʻri ovqatlanish va sogʻlom turmush tarzi mavzularidagi suhbatlar ishtirokchilarda qiziqish uygʻotdi.

Inson salomatligini mustahkamlashda sportning oʻrni katta. Shundan kelib chiqib tadbir sport musobaqalariga ulandi. Ishtirokchilar “Salomatlik. uchun 5000 qadam” aksiyasi boʻyicha markaziy koʻcha boʻylab piyoda yurdilar. Velosipeddagi “adolatchi” xotin-qizlar mahalla ahlini sogʻlom hayotga chaqirdi.

“Adolat” SDP Andijon viloyat kengashi

Matbuot xizmati.