“Sog'lom oila – sog'lom jamiyat- porloq kelajak”

Boʻlib oʻtgan umumxalq Referendumida faol ishtirok etgan Oʻzbekiston tumani aholisi ham oʻz taassurotlari va hayajonlari bilan kelajakka mustahkam ishonch koʻzi ila boqayotganliklarini kuzatish mumkin. Yangi Konstitutsiyamizda aholining kafolatlangan bepul tibbiy xizmatlardan foydalanishi belgilab qoʻyilgan. Aholi salomatligini asrash bilan bogʻliq normalar 4 barobarga koʻpaytirilishi esa, kuchli ijtimoiy himoya va muhtojlarga gʻamxoʻrlik – davlat siyosatining muhim yoʻnalishlaridan biri ekanligini tasdigʻidir.

“Adolat” SDP Oʻzbekiston tuman Kengashi deputati M.Xamidova hamda partiyaning “Ayollar” qanoti bilan hamkorligida “Sogʻlom oila – sogʻlom jamiyat – porloq kelajak” loyihasi doirasida onalar va bolalar reproduktiv salomatligiga qaratilgan targʻibot-tashviqot tadbiri hamda bepul tibbiy koʻrik tashkil etildi.

"Adolat" SDP Farg'ona viloyat kengashi Matbuot xizmati.