“Ta’lim dargohlari-muqaddas qo’rg’on”

Ma’lumki, joriy yilni yurtboshimiz “Insonga e’tibor va sifatli ta’lim” yili deb e’lon qildilar shu munosabati bilan “Adolat” SDP Qorovulbozor tuman Kengashi tomonidan  tumandagi “Bo’zachi” MFY 4-maktabda “Ta’lim dargohlari-muqaddas qo’rg’on” mavzusida tadbir tashkil qilindi.

Tadbirda partiyaning viloyat Kengashi raisi o’rinbosari S.Maydonov, tuman Kengashi raisi N.Eshmurodov, mazkur maktabning pedagog xodimlari va o’quvchi yoshlar ishtirok etishdi. Uchrashuvda so’zga chiqqanlar, “Dunyo imoratlari ichida eng ulug`i maktab bo`lsa, kasblarning ichida eng sharaflisi o`qituvchilik va murabbiylikdir” deya kelajagimiz davomchilariga berilayotgan imkoniyatlarni qadrlab, kelajakda komil inson bo’lib yetishib, vatanimiz ravnaqiga o’z hissalarini qo’shishlarini ta’kidlab o’tdilar.

Motivatsion ruhda o’tgan tadbirda o’quvchi yoshlar o’zlarini qiziqtirgan savollarga javob olib, kelgusida a’lo baholarga o’qib, vatanimiz kelajagi uchun o’z hissalarini qo’shishga va’da berishdi.

Mohigul Rahimqulova,

“Adolat” SDP Buxoro viloyat Kengashi matbuot kotibi.