Taʼlim olish huquqi va imkoniyati kengaytiriladi

Bagʻdod tumanidagi 45-sonli umumtaʼlim maktabida taʼlim dargohi jamoasi, ota-onalar va yoshlar ishtirokida Oliy Majlis Qonunchilik palatasi deputati Gulbahor Saidgʻaniyeva bilan uchrashuv oʻtkazildi.

Uchrashuvda referendum hamda yangi tahrirdagi Konstitutsiyaga kiritilayotgan oʻzgarishlar, xususan, davlat tomonidan iqtidorli yoshlarni qoʻllab-quvvatlash siyosatining olib borilishi, uning konstitutsion asoslari, sud-huquq sohasida va ijtimoiy sohada kiritilayotgan normalar sharhlab berildi.

Taʼkidlanganidek, yangilanayotgan Bosh qonunimizda taʼlim olish huquqi va imkoniyati kengaytiriladi, oʻqituvchilar konstitutsiyaviy maqomga ega boʻladi. Ijtimoiy davlatga xos yondashuvlar taʼlim sohasiga oid koʻplab modda va normalarda ham oʻz ifodasini topmoqda. Taʼlim va ilm-fanga oid normalar qariyb 2 barobarga oshmoqda. Аsosiy qonunda fuqarolarning bepul boshlangʻich kasb-hunarga oʻqitilishi ham belgilanmoqda

Uchrashuv soʻngida aholining muammolari yuzasidan murojaatlari deputat tomonidan tinglandi va ijrosi nazoratga olindi.

“Аdolat” SDP Fargʻona viloyat Kengashi
Matbuot xizmati.