“Takomillashgan Konstitutsiya-mustahkam himoya”

Vobkent tumanidagi “Teraklik“ MFY da Adolat” SDP Vobkent tuman Kengashi deputatlari tomonidan “Takomillashgan Konstitutsiya-mustahkam himoya” shiori ostida targʻibot tadbiri boʻlib oʻtdi.Tadbirda Siyosiy Kengashning Vobkent tuman Kengashi raisi M.Roʻziyeva, Vobkent tuman Kengashi deputati T.Nurov va mazkur mahallaning faollari ishtirok etishdi.Unda targʻibot guruhi aʼzolari Konstitutsiyaning yangi tahriri boʻyicha batafsil maʼlumotlar berdilar. Shuningdek, “Adolat” SPD Vobkent tuman Kengashi deputati T.Nurov ham soʻzga chiqib, yangi konstitutsiyaning mohiyati haqida gapirib berdi.Tadbir ishtirokchilariga tibbiyot sohasidagi oʻzgarishlar, inson salomatligini mustahkamlash va muhofaza qilish boʻyicha kiritilayotgan normalar haqida maʼlumotlar berildi. Savol-javoblarga boy boʻlgan uchrashuvda yoshlar ishtirokini yanada faollashtirish, qonunlarni qoʻllash amaliyotining dolzarb muammolarini ular bilan birgalikda muhokama qilish tizimini yoʻlga qoʻyish boʻyicha bir qancha takliflar oʻrtaga tashlandi.

Loyihaning xalqchilligi, fuqaro va insonlarning huquqlari va erkinliklari, kuchli ijtimoiy himoya va muhtojlarga gʻamxoʻrlik boʻyicha davlatning asosiy ustuvor yoʻnalishlari belgilanayotganligini tushuntirdi.Muloqot qizgʻin va savol-javobga boy tarzda oʻtdi. 30-aprel kuni oʻtkaziladigan Referendumda faol ishtirok etishga, oʻzlarining fuqarolik burchini bajarib, kelajaklarini qurishga daʼvat qilindi.

Mohigul Rahimqulova,

“Adolat” SDP Buxoro viloyat Kengashi matbuot kotibi.