“Uch avlod uchrashuvi” davom etmoqda

Mamlakatimizda amalga oshirilayotgan islohotlar zamirida xalq farovonligi, inson manfaatlari, nuroniylarni qoʼllab-quvvatlash, yoshlarning porloq kelajagini taʼminlash singari ezgu maqsadlar yotadi.

Oʼzbekiston tumanida mehnat faxriylari, ustozlar, yoshlar ishtirokida oʼtkazilgan “Uch avlod uchrashuvi” ham mazkur islohotlarning amaliy ifodasidir. Tadbirda Xalq deputatlari Fargʼona viloyat Kengashi deputati Zokirjon Rahmonov barchani yaqinlashib kelayotgan Navroʼz umumxalq bayrami bilan muborakbod etib, keksalarning bosib oʼtgan ibratli yoʼli, yutuqlarga erishayotgan yoshlar va ularning ustozlari, yuzlab shogirdlar yetishtirgan soha fidoyilari – bularning barchasi yurt taraqqiyotida muhim oʼrin tutishini taʼkidlab oʼtdi.

Tadbir davomida xushovoz xonandalar tomonidan Vatan, baxt-saodat, tinchlikni tarannum etuvchi kuy-qoʼshiqlar yangradi. Tuman faxri boʼlgan nuroniylar, yoshlarga esdalik sovgʼalari topshirildi.

“Аdolat” SDP Fargʼona viloyat Kengashi matbuot xizmati.