Uch avlod uchrashuvi: Tajriba va taʼlim

Oʼtmish, bugun va kelajakni oʼzida mujassam etgan maʼnaviy-maʼrifiy tadbirlar doimo insonlarni mushohadaga chorlaydi. Umrning tafti va taʼsirini koʼz oldingda namoyon etadi. Yoshlarga ibrat yoʼlini koʼrsatib, vaqtni qadrlash, hayotning har bir onidan unumli foydalanish singari oʼylar girdobiga gʼarq qiladi.

 Xalq deputatlari viloyat Kengashi deputati Zokirjon Rahmonov ishtirokida Oltiariq va Furqat tumanlarida oʼtkazilgan “Uch avlod uchrashuvi” tadbirida ham ishtirokchilar shunday hislarni tuygan boʼlsa ajab emas.

Oʼzaro suhbat va muloqotlarda mamlakatimizda inson omiliga yuksak eʼtibor berilayotgani, yurtboshimiz jamiyatimizning har bir aʼzosiga gʼamxoʼrlik, mehr-oqibat koʼrsatish maqsadida olib borayotgan islohotlari, inson qadr-qimmatini yuksaltirish borasidagi tashabbuslari hususida soʼz bordi.

Yoshi ulugʼ otaxon va onaxonlar hayoti va mehnat faoliyati davomida toʼplagan boy tajribasini yoshlar bilan baham koʼrdilar. Qiyinchiliklardan choʼchimaslik, sabr-qanoatli boʼlish, oʼzaro hurmat va koʼmakning ahamiyati haqida qimmatli tavsiyalar berildi.

 “Аdolat” SDP Fargʼona viloyat Kengashi

Matbuot xizmati.