Ulugʻnorda yaratuvchilik boshlandi

Bahor goʻzallik va yaratuvchilik fasli. Koʻklam nafasini sezgan ulugʻnorlik “adolatchilar” “Tozalik yoʻlida birlashaylik!” loyihasi asosida hududlarda tozalov va obodonlashtirish ishlarini boshladilar. Tashkil etilayotgan tadbirlar atrof-muhitning tozaligini taʼminlash bilan birga, turli kasalliklarning oldini olishga xizmat qiladi.

“Adolat” SDP Ulugʻnor tuman kengashi “Yoshlar qanoti” raisi M.Oʻrinboyev boshchiligida “Guliston” MFYda boʻlgan “Yosh adolatchilar” mahalla ahlini obodonlashtirish ishlariga chaqirdilar. “Oʻz koʻchamizni obod qilamiz!” shiori ostida mahalla yoshlari ham bu harakatga qoʻshildilar. Ertalabda boshlangan hashar mehnat bayramiga aylandi. Koʻchalar obodonlashtirildi, maishiy chiqindilardan tozalandi. 800 km. masofadagi suv yoʻllari ravon holga keltirildi. Mavsumiy gul urugʻlari sepildi.

Safdoshlarimizning bu tashabbusi jamoatchilik tomonidan qoʻllab- quvvatlanmoqda.

“Adolat” SDP Andijon viloyat kengash
Matbuot xizmati.