Vatan kelajagiga masʼulmiz

“Adolat” SDP Fargʻona shahar Kengashi tomonidan Fargʻona viloyat koʻp tarmoqli tibbiyot markazida ham imzo yigʻish jarayonlari belgilangan talablarga muvofiq koʻtarinki ruhda tashkil etildi.

 Dastlab, shahar Kengashi raisi Shahnoza Ahmedova 9-iyulʼ kuni muddatidan avval boʻlib oʻtadigan Prezidentlik saylovi, “Adolat” SDPdan Prezidentlikka koʻrsatilgan nomzod Robaxon Maxmudova haqida batafsil maʼlumot berdi. Shundan soʻng saylovchilarga imzo varaqalarini toʻldirish tartib-taomillari aniq-ravshan tushuntirildi. Ushbu jarayonda imzo yigʻish bilan bogʻliq barcha tadbirlar qonunchilikda belgilangan meʼyorlarga muvofiq oʻtkazilishiga alohida eʼtibor qaratildi.

Aytish oʻrinliki, xalqimizning ertangi kuniga befarq boʻlmagan, fuqarolik burchi va masʼuliyatini yaxshi anglaydigan   vatandoshlarimiz bu muhim jarayonda faollik bilan ishtirok etmoqdalar.

 “Adolat” CDP

Farg’ona viloyat kengashi Matbuot xizmati.