Xalq ishonchi oliy saodat

“Adolat qabulxona”si xalqimizning ishonchini qozonish yoʻlida faollashib borayotganligini kuzatish mumkin. Deyarli har kuni bir muammoga yechim bor. Oʻzbekiston “Adolat” SDP Dangʻara tumani Kengashi tomonidan partiyaning “Bir oyda bir ish oʻrni” loyihasi doirasida ishga muhtojligi bor hotin-qizlar va erkak murojaatchilarning  bandligi taminlanmoqda. Yangi zamon MFY Shodlik koʻchasi 2-uyda yashovchi iqtisodchi- buxgalter mutaxassisligiga ega Buvamatov Maqsutali Darmonovichning murojaati ijobiy hal etildi. Murojaatchi Dangʻara koʻp tarmoqli texnikumga maxsus fan oʻqituvchisi lavozimiga ishga joylashtirildi.

-Koʻpdan beri ish ishlab sarson boʻlib kelar edim. Adolatdan najot topgan mahalladoshlarimizning fikriga tayanib, “Adolat” SDP Dangʻara tuman Kengashiga qilgan murojaatim tez hal boʻlganidan juda xursandman, -deydi Maqsutali Buvamatov. — Bugun bir yoʻla partiya safida boʻlish uchun ariza ham berdim. Adolat saflarida boʻlishni barchaga istab qolaman.

“Adolat” SDP

Farg’ona viloyat kengashi Matbuot xizmati.