Xalqni quvontirgan adolat kuchi

Soʻx tumanini kompleks ijtimoiy –iqtisodiy rivojlantirish chora-tadbirlari dasturi asosida joriy yilning ilk oyiga qadar tuman aholisini toza ichimlik suvi bilan taʼminlash ishlari nihoyasiga yetkazilishi zarur edi. Oʻzbekiston Respublikasi Prezidentining 2020 yil 8 avgust kunidagi “2020-2021 yillarda Fargʻona viloyatining Soʻx tumanini kompleks ijtimoiy-iqtisodiy rivojlantirish chora-tadbirlari toʻgʻrisida”gi qarori boʻyicha aholini ichimlik suvi bilan taʼminlash maqsadida davlat byudjetidan 108 milyard soʻm mablagʻ ajratilgan edi. Biroq, bu ishlarda biroz oqsoqlik holatlari xalqning haqli eʼtiroziga sabab boʻlayotgan edi.

2023 yilning 3 mart kuni boʻlib oʻtgan Xalq deputatlari tuman Kengashining navbatdagi sessiyasida Oʻzbekiston “Adolat” SDP tuman Kengashi deputati Subxonali Nishonov ushbu dolzarb masala yuzasidan oʻz taklif va mulohazalarini bildirди.  

Shu kunlarda   “Yangi avlod qurilish invest” kompaniyasi tomonidan “Xushyor”, Gʻaznov”, “Qaqir” hamda “Ravon” mahalla fuqarolar yigʻinlarida aholini toza ichimlik suvi bilan taʼminlash borasida ishlar boshlab yuborildi. Bugungi kunga qadar mazkur mahallalarga 1 dona transformator, 7 ta nazorat qudugʻi, metall konstruksiyalar keltirilib, quruvchilar tomonidan zarur ishlar olib borildi. “Ravon” mahallasining “Adolat” koʻchasida 100   metrdan ziyod masofaga quvurlar yotqizilishiga erishildi. Bu ezgu harakatlar tuman Kengashi deputatlik guruhining nazoratida jadallik bilan olib borilmoqda.

“Adolat” SDP Fargona viloyat kengashi

Matbuot xizmati.