Xalqning og‘irini yengil qilgan kam bo‘lmaydi

Kuz  fasli yog‘ingarchiliklarsiz osuda o‘tayotgan bo‘lsada, qishning izg‘irinli kunlariga zarur yoqilg‘i mahsulotlarini jamg‘arish foydadadan holi emas. “Adolat” SDP O‘zbekiston tuman Kengashi raisi, tuman Kengashi deputati  Muattarxon Homidova  o‘z saylovchilari oldidagi burchini  chuqur anglagan holda  harakat qiladigan  deputatlarimizdan. Muattarxon o‘z saylovchilarining turmush  sharoitlari va muammolarini o‘rgangan holda, “Yangi hayot” mahallasida istiqomat qiluvchi ehtiyojmand oila vakillarining talab va istaklariga asosan ko‘mir omborlaridan arzon narxda  25 tonna ko‘mir mahsulotlarini olib kelib, 50  ta oilalarga tarqatib berdi.

-Deputatimizning bugungi savobli ishidan xursandmiz,- deydi mahalla fuqarolari Ozodaxon Saydalieva, Sayidaxon Fozilovalar xursandchilik bilan. – Barchamizni ham sharoitimiz olis manzillardan ko‘mir olib kelishni ko‘tarmaydi. Kimdir yakka-yolg‘iz, kimdir salomatligida jiddiy muammosi bor, kimdir esa yosh bolalari bilan uzoqqa borishga qiynaladi. Deputatimiz biz uchun qayg‘urib,  arzon va sifatli ko‘mir mahsulotlarini mahallamizga  keltirib berdi. Hammamiz duo qilyapmiz. “Adolat” partiyasining adolatli rahbarlari bor bo‘lsin. Xalq uchun qayg‘urgan, o‘zgalar ko‘magi va e'tiboriga muhtoj  bizdek insonlarni o‘ylaganlarni faqat duo qilamiz.

“Adolat”ning adolatli deputati navbatdagi hayrli ishlarning o‘y xayoli bilan qo‘shni mahalla tomon yo‘l oladi. Odamlarni rozi qilish, ularni og‘irini yengil qilish va duolarini olish insonga zavq bag‘ishlaydi, -deydi  adolatchi Muattarxon Homidova.- Ularni duolari  meni  yangi maqsadlar  sari dadil  harakat qilishimga undaydi. Axir biz xalq ishonch bilan boqqan  suyanchlarimiz.

“Adolat” SDP

Farg’ona viloyat kengashi Matbuot xizmati.