Xayrli ishlarga bosh boʻlgan Adolatchilar

Asriy qadriyatlarimizni yosh avlod tafakkuriga singdirish, ajdodlarga xos va mos holda yoshi ulugʻlarga hurmat va ehtirom koʻrsatish, kichiklarni izzatlash, boqiy dunyoga rihlat qilgan insonlarni soʻngi manzillari boʻlgan qabristonlarni ozoda va obod saqlash tuygʻularini qalbimizga jo etish har bir davrda muhim vazifalardan boʻlib kelgan. Fargʻona tumanida ham bu borada barchaga ibrat boʻlgulik tadbirlar bisyor. “Adolat” SDPdan Fargʻona tuman Kengashiga saqlangan deputat Ahrorbek Erkaboev yosh boʻlsa-da yoshi ulugʻlarni duolari va maslahatlari bilan maqtovga sazovor ishlarni amalga oshirib kelayotgan partiya faollaridan. Ahrorjon mahalladagi yoshi ulugʻlar bilan suhbat chogʻida dilidagi orzusini ularga aytib, maslahat soʻradi.

Mahalla ulugʻlari esa uning tashabbusini qoʻllab -quvvatladilar, “otasiga rahmat” deya duoga qoʻl oldilar.

 Nihoyat, orzular roʻyobga chiqdi. Tumandagi “Oqbilol ota” qabristoni deputatning tashabbusi bilan milliy va zamonaviy meʼmorchilik talablariga koʻra yangicha qiyofa kasb etdi. Mahalla ahli unga koʻmakdosh boʻlib, quruvchilar bilan tengma -teng hasharlarda faol ishtirok etdilar.

Kechagina qabristonga kelishga biroz choʻchinqiraydigan odamlar bemalol bugun farzandlari, nabiralarini etaklab, qabriston hududiga gul koʻchatlarini ekib, makonning obodligiga oʻz ulushlarini qoʻshiga intilishyapti.

“Oqbilol” ota qabristoni bugun adolatchilarning saʼy-harakati bilan koʻrkam ziyoratgohga aylandi.

 “Adolat” SDP

Farg’ona viloyat kengashi Matbuot xizmati.