Qishloq xoʻjaligi majmuasi tashkilotlari va maʼnaviy-maʼrifiy targʻibotchilar guruhlari bilan uchrashuvi boʻlib oʻtdi

Bugun Bagʻdod tumani hokimligi majlislar zalida Oliy Majlis Qonunchilik palatasi deputati Gulbahor Saidgʻaniyevaning qishloq xoʻjaligi majmuasi tashkilotlari va maʼnaviy-maʼrifiy targʻibotchilar guruhlari bilan uchrashuvi boʻlib oʻtdi.

Uchrashuvda 30-aprel kuni boʻlib oʻtishi rejalashtirilayotgan referendum, uning oʻtkazilish jarayonlari yuzasidan tushuncha berildi.

Shuningdek, referendumda qabul qilinadigan yangi tahrirdagi Konstitutsiyamizning ustuvor tamoyillari, kiritilayotgan yangi normalar haqida maʼlumot berildi.

Jumladan, majburiy mehnatga yoʻl qoʻyilmasligi, oʻqituvchi qadri, shaʼni davlat tomonidan himoya qilinishi, sud qarorisiz hibsga olingan shaxs 48 soatdan ortiq ushlab turilmasligi, qonunga muvofiq buziladigan mulk uchun oldindan, qiymatiga teng hisobda kompensatsiya toʻlanishi va boshqa inson huquqlarini mustahkamlovchi hayotiy normalarning kiritilishi xalq, jamoatchilik tomonidan berilgan takliflarning oʻz ifodasini topganligi qayd etildi.