Xotin-qizlar bandligini taʼminlashga barchamiz masʼulmiz

Bugungi kunda 1 ming 400 ga yaqin respublika va viloyatlar darajasida, 43 mingdan ziyod tuman va shaharlar darajasidagi rahbarlik lavozimlarida ayollar ishlab kelmoqda.

Mamlakatimizda ayol-qizlarimizning sifatli taʼlim olishi, kasb egallab, ish oʻrniga ega boʻlishi uchun katta imkoniyatlar yaratilgan. Soʻnggi yillarda xotin-qizlarni ijtimoiy himoyalash, ularni kasb-hunarga oʻqitib, bandligini taʼminlash masalasi davlat siyosati darajasiga koʻtarilib, bu borada mahallada vertikal tizim yaratildi. Xotin-qizlar masalalari boʻyicha har bir mahallada mutaxassislar berildi.

Yurtimizda xotin-qizlarni ijtimoiy qoʻllab-quvvatlash, bandligini taʼminlash masalasi belgilab olingan yangicha islohotlarning asosiy yoʻnalishlaridan biriga aylangan. “Ayollar daftari” ni joriy etilishi, ushbu yoʻnalishdagi saʼy-harakatlar yanada faollashib, aniq natijalar koʻrina boshladi.

Muhtaram Prezidentimiz xalqimizning talabi oʻsib borayotganini, ushbu talablarga munosib javob berib, xotin-qizlarning bandligini taʼminlash, tadbirkorlikni, xususan, oilaviy tadbirkorlikni rivojlantirish, “ustoz-shogird” anʼanalari asosida hunarmandchilik bilan shugʻullanishni targʻib etish, aholi tomorqalaridan samarali foydalanish, pillachilik sohasida kasanachilikni kengaytirish barcha rahbarlarning zimmasidagi asosiy vazifa ekanligini alohida taʼkidlaganlar.

Shuni alohida qayd etib oʻtish joizki, xotin-qizlar bandligini taʼminlash masalasida joylarda olib borilayotgan ishlar kun sayin oʻz natijasini berayotganligining guvohi boʻlmoqdamiz. Xususan biz deputatlar honadonma-honadon yurish jarayonida shuni koʻryapmizki, ishsiz xotin-qizlar, biron-bir tayin mashgʻulotga ega boʻlmagan yoshlarimizni ish bilan taʼminlash borasida partiyaning “Bir oyda — bir ish oʻrni” loyihasi doirasida katta ishlar amalga oshirilmoqda.

M.Hamidov,
Oʻzbekiston ”Аdolat” SDP Buxoro
viloyat Kengashi raisi, xalq deputatlari
viloyat Kengashi deputati.