“Yangi Konstitutsiya- xalq dardiga quloq soluvchi davlat asosi”

Oʻzbekiston “Adolat” SDP Qorakoʻl tuman Kengashining yangilanayotgan Konstitutsiyamiz mazmun-mohiyatini keng jamoatchilik vakillariga tushuntirishga bagʻishlangan “Yangi Konstitutsiya- xalq dardiga quloq soluvchi davlat asosi” shiori ostidagi navbatdagi targʻibot tadbirlari tumanidagi “Doʻrmon”, “Qorakoʻl”, “Sayyod”, “Sholur”, “Alikahoʻja”, “Poykent”, “Qulonchi”, “Shoʻrobod” MFY larda boʻlib oʻtdi.

Tadbirda Qorakoʻl tuman Kengashi raisi R.Hayitov, tuman Kengashi deputati R.Shukrullayeva, Soligʻliqni saqlash huzuridagi sanepid qoʻmita raisi K.Rajabboyeva, “Oqila ayollar harakati” aʼzosi D.Mirova, “Moʻtabar ayol” koʻkrak nishoni sohibasi D. Ziyodullayeva va mazkur MFY lar faollari ishtirok etishdi.

Uchrashuvda soʻzga chiqqanlar tomonidan, yangilanayotgan Konstitutsiya baxtli hayotimizning kafolati ekanligi, unda inson huquq va manfaatlari ustuvorligi xususida soʻz yuritdi. Unga kiritilgan oʻzgartirish va qoʻshimchalar hamda yangi tahrirdagi konstitutsiya insonga farovonlik, jamiyatga erkinlik, davlatga masʼuliyat kabi gʻoyalarga asoslangani bilan ahamiyatli ekanligi batafsil tushuntirildi. Shuningdek, aholiga sifatli tibbiy xizmat koʻrsatish, taʼlim, yoshlar, xotin-qizlar va oila masalalari boʻyicha kiritilgan yangi moddalar ishtirokchilarda katta qiziqish uygʻotdi.

Qatnashchilar oʻzlarini qiziqtirgan savollarga mutaxassislar tomonidan javoblar olishdi. Tadbir savol-javob va bahs munozaraga boy tarzda oʻtdi.Tadbir soʻnggida barcha joriy yilning 30 aprelida oʻtkaziladigan Referendumda faol ishtirok etishga chaqirildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.