Yangi Oʻzbekistonda — Yangi Konstitutsiya bilan

Kuni kecha “Turkiston” sanʼat saroyida Oʻzbekiston Davlat Filarmoniyasi xodimlari uchun “Yangi Oʻzbekistonda — Yangi Konstitutsiya bilan” mavzusida targʻibot tadbiri oʻtkazildi.

Jarayonda Oʻzbekiston Respublikasi Oliy Majlis Qonunchilik palatasi deputati Abdullayeva Oydin Utamuradovna Yangi tahrirdagi Oʻzbekiston Respublikasi Konstitutsiyasi va unda belgilanayotgan normalar va shu munosabati bilan 30-aprel kuni boʻlib oʻtishi belgilangan referendum yuzasidan ishtirokchilarga batafsil tushunchalar berdi va muhim siyosiy jarayonda, umumxalq referendumida faol ishtirok etishga chaqirdi.