Yangi Oʻzbekistonning yangi Konstitutsiyasi taraqqiyotga xizmat qiladi

Fargʻona viloyat koʻp tarmoqli tibbiyot markazi ham elimiz salomatligini muhofazasi yoʻlida tun-u kun fidokorona mehnat qilib kelayotgan minglab tibbiyot fidoiylarini oʻzida birlashtirgan tibbiyot muassasasi hisoblanadi. Tibbiyotchilar ham Referendum oldi targʻibot tadbirida faol ishtirok etib kelmoqdalar.

“Adolat” SDP Fargʻona viloyat Kengashi tomonidan tashkil etilgan tadbirda yangi Konstitutsiyaviy qonunning mazmun-mohiyati, Qomusimizga kiritilgan inson baxt-u kamoli, erki va saodati, huquqiy himoyasi borasidagi yangi normalar haqida soʻz yuritildi.

Koʻp tarmoqli tibbiyot markazi direktori, Odiljon Umarov yangi konstitutsiyaviy qonun loyihasida tibbiyot xodimlariga qaratilgan yuksak eʼtibordan gʻururlangan holda yangi Konstitutsiyaviy qonun loyihasini qoʻllab-quvvatlashga barchani chaqirdi.

“Adolat” SDP viloyat Kengashi raisi Shahnoza Gʻaniyeva va shahar Kengashi deputati Bunyod Ahmadaliyevlar aholi salomatligini asrash bilan bogʻliq normalar 4 barobarga koʻpaytirilganligi, bu aholi salomatligini ishonchli himoya qilishga xizmat qilishini taʼkidlab oʻtdilar. Bu islohotlar onalar va bolalar oʻlimini kamayishiga, yuqumli kasalliklar xavfini bartaraf etishga, tibbiyot xodimlarini yanada ragʻbatlantirishga xizmat qiladi. Targʻibot tadbirida salomatlik posbonlari umumxalq referendumida hamjihatlik va birdamlikda ishtirok etish yoʻlida hamjihat boʻlishlarini bildirdilar.

“Adolat” SDP Fargʻona viloyat Kengashi
matbuot xizmati.