Yangi tahrirdagi Konstitutsiya - porloq kelajagimiz kafolati

Yangi Oʻzbekistonning taraqqiyot strategiyasida oʻz aksini topgan xalqparvar davlatni barpo etish yoʻlidagi muhim vazifalarni amalga oshirish uchun, avvalo konstitutsiyaviy makon kerakligini barcha anglab yetdi. Hozirda Oʻzbekiston Respublikasi fuqarolarini munosib hayot kechirishini, millatlararo va konfessiyalararo totuvlikni, koʻp millatli jonajon mamlakatimizni farovonligi va gullab-yashnashini taʼminlashni maqsad qilgan holda yangi Konstitutsiyani qabul qilish arafasidamiz.

Oʻzbekiston "Adolat" SDP Fargʻona viloyat Kengashi tomonidan “Hududgaz Fargʻona” gaz taʼminoti filiali korxonasida tashkil etilgan targʻibot tadbiri ham yangilanayotgan Konstitutsiyamizning afzallik jihatlarini tinglovchilarga keng yetkazishga qaratildi. Partiyaning viloyat Kengashi raisi Shahnoza Gʻaniyeva islohotlarga yuz tutgan mamlakatimizning yangi tahrirdagi Qonun loyihasining inson erki va porloq kelajagi yoʻlidagi 155 ta moddadan iborat dasturilamal ekanligi haqida soʻz yuritdilar.

Tadbir ishtirokchilari ham tariximizda ilk bora Konstitutsiyani qabul qilinishi bevosita xalqimizning xohish-irodasi bilan boʻlayotganligi va Oʻzbekiston ijtimoiy davlat deb, eʼtirof etilayotganligi koʻplab fuqarolar tomonidan qoʻllab-quvvatlanishi, ular tomonidan 30-aprel kuni boʻlib oʻtadigan umumxalq Referendumida hamjihatlikda faol ishtirok etishlarini bildirdilar.

“Adolat” SDP Fargʻona viloyat Kengashi
matbuot xizmati.