“Yangilanayotgan Konstitutsiya – inson qadri uchun”

Qoravulbozor tumanida joylashgan jazoni oʻtash muassasasi binosida yangi tahrirdagi Konstitutsiyamizga bagʻishlangan “Yangilanayotgan Konstitutsiya – inson qadri uchun” mavzusida navbatdagi targʻibot tadbiri boʻlib oʻtdi. Tadbirda Qoravulbozor tuman Kengashi deputatlari va muassasada jazoni oʻtayotgan mahbuslar ishtirok etishdi. Deputatlar tomonidan yangilanayotgan Konstitutsiyada fuqarolarning bandligini taʼminlash, shuningdek, kambagʻallikni qisqartirish choralari koʻrilayotganligi va yangi tahrirdagi Konstitutsiyada inson, uning hayoti, erkinligini shu jumladan, demokratik davlatni, ochiq va adolatli jamiyatni barpo etishga qaratilgan normalarning belgilanayotganligi xususida batafsil maʼlumot berildi.

Kelgusida mahbuslar jazoni oʻtaganidan soʻng bandliklari taʼminlanishi ham aytib oʻtildi.Uchrashuv yakunida tadbir ishtirokchilari oʻzlarini qiziqtirgan savollar bilan murojaat qilishdi.

Mohigul Rahimqulova,

“Adolat “ SDP Buxoro viloyat Kengashi matbuot kotibi.