Yangilanayotgan konstitutsiya – yangi mezonlar asosi

Bagʻdod tuman hokimligi majlislar zalida Oliy Majlis Qonunchilik palatasi deputati Gulbahor Saidgʻaniyeva tomonidan mamlakatimizda amalga oshirilayotgan muhim jarayon 30 aprel kuni boʻlib oʻtadigan “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasining referendumiga bagʻishlangan tadbir oʻtkazildi. Baxtimiz qomusiga kiritilgan oʻzgarishlar, davlat hokimiyatini tashkil etish asoslari, qonun chiqaruvchi va ijro etuvchi hokimiyat tarmoqlarining maqomi va boshqa sohalardagi mezonlar xususida tushuncha berildi.

– Yangilanayotgan bosh qomusimizda belgilanganidek, mamlakatimizda samarali, ixcham va xalqchil davlat boshqaruvi joriy etiladi, – deydi deputat. – Endilikda hokimlarning deputatlarga rahbarlik qilishi bekor qilinadi. Hukumat javobgarligi kengaytiriladi. Bularning barchasi aholi huquq va manfaatlarini taʼminlash, inson qadrini oshirishda muhim oʻrin tutadi.

Shuningdek deputat tuman adliya boʻlimi bilan hamkorlikda mahalla fuqarolar yigʻinlarida faoliyat yuritayotgan xotin-qizlar faollarini huquqiy savodxonligini oshirish maqsadida oʻtkazilgan oʻquv seminarida ishtirok etib, yangilanayotgan bosh qomusimiz mazmun-mohiyati va ahamiyati xususida maʼruza qildi. Refendumning xalqimiz-xohish irodasini ifoda etishdagi fuqarolarning jamiyat rivojiga daxldorlik hissini oshirishdagi oʻrni va taʼsiri borasida soʻz yuritdi.

Mazkur mazmundagi targʻibot tadbiri Bagʻdod pedagogika kollejida ham tumandagi maʼnaviy-marifiy ishlar boʻyicha direktor oʻrinbosarlari ishtirokida boʻlib oʻtdi.

“Аdolat” SDP Fargʻona viloyat Kengashi

Matbuot xizmati.