“Yashil makon” aksiyasi boshlandi

Qoraqalpogʻiston Respublikasining barcha shahar va tumanlarida “Yashil makon” umum milliy aksiyasi boʻlib oʻtmoqda.

Aksiyada Partiyamiz deputatlari, faollari, va yurtimiz obodligiga hissa qoʻshishni niyat qilgan nuroniylar, yoshlar, xotin-qizlar keng jamoatchilik vakillari ishtirok etmoqdalar.

Oʻzbekiston Respublikasi Prezidenti mamlakatimizda yashil hududlarni kengaytirish, va ekologik holatni yaxshilashga alohida eʼtibor qaratib, joriy yilning 11-oktyabr sanasida oʻtkazilgan videoselektor yigʻilishida bu masalada bir qator muhim takliflar bildirib, asosiy vazifalar belgilab berdi.

25-oktyabrdan 1-dekabrgacha yurtimizda “kuzgi nihol ekish mavsumi” deb joriy qilindi. Joriy yilning bahor mavsumida Qoraqalpogʻistonda 8 million 861,5 ming mevali va soyali koʻchatlar ekilgan boʻlsa, kuz mavsumida esa 5 million 950 ming ta koʻchat ekish reja qilingan.

“Yangi Oʻzbekiston – yashil makonda birga yashaylik!” degan ulugʻ gʻoyani oʻzida mujassam etgan aksiya barcha joylarda davom etmoqda.

“Adolat” SDP

Qoraqalpogʻiston Respublikasi kengashi Matbuot xizmati.