Yordamga muhtoj ayollar deputatdan mamnun bo‘lishdi

Prezidentimiz tomonidan xotin qizlarning ijtimoiy siyosiy faolligini oshirish, bandligini ta’minlashga alohida e’tibor qaratib kelinayapti. Shu tufayli ham yurtimizda ayollarni har tomonlasa qo‘llab-quvvatlash va ijtimoiy himoya qilish uchun barcha zarur chora tadbirlar ko‘rilayapti. Bunga birgina Nishon tumanida olib borilayotgan ishlar misolidan ham amin bo‘lish mumkin.

       Oliy Majlis Qonunchilik palatasi deputati Abdug‘ani Umirov Navro‘z MFY ning   “Ayollar daftari” da turib, keyinchalik esa  davlatimiz yordami bilan tikuvchilik, zardo‘zlik, gilamchilik, to‘n tikish va kasanachilikning boshqa turlari bilan muntazam shug‘ullanib ishli bo‘lgan xotin-qizlar bilan yuzma-yuz muloqot qildi. Ularning kelgusidagi rejalari bilan qiziqdi. Ayollar ishli bo‘lganidan, oilasiga va davlatga foydasi tegayotganidan mamnun ekanliklarini izhor qilishdi. Shu yerda deputat xotin-qizlarga  yangilanayotgan Konstitutsiyaga kiritilayotgan o‘zgartirishlarni batafsil tushuntirdi. Ijtimoiy davlat barpo etish borasida amalga oshirilayotgan keng ko‘lamli vazifalardan ularni voqif etdi. Ayniqsa, aholining ijtimoiy himoyaga muhtoj qatlamini davlat tomonidan muhofaza etilishi Konstitutsiyada o‘z aksini topayotgani ishtirokchilarni xursand qildi.

150 nafardan ortiq  xotin-qizlarimiz yakka tartibdagi tadbirkorlik faoliyati, kasanachilik bilan mashg‘ul, -dedi partiya faoli Shaxlo Tursunova.- Bugun Loyihada har kim ishsizlikda ijtimoiy ta’minot olish huquqiga egaligi mustahkamlanayotgani,  pensiya, nafaqa va boshqa ijtimoiy yordamlar miqdori eng kam iste’mol xarajatlaridan oz bo‘lishi mumkin emasligi belgilab qo‘yilayotganini deputat batafsil tushuntirdi. Shuningdek, hozirning o‘zida 2 million 200 ming ehtiyojmand oilalar davlatdan kafolatli moddiy yordam olishi uchun
har yili 11 trillion so‘m ajratilayotgani xususida bilib oldik. Ochig‘i, davlatimiz tomonidan yangi Konstitutsiyamiz orqali ijtimoiy yordamga muhtoj  fuqarolar  haq huquqlari qonun bilan mustahkamlab qo‘yilayotganidan mamnunmiz.  30-aprel kuni bo‘lib o‘tadigan referendumda o‘z ovozimiz bilan qatnashamiz.

Nodir Isomov,

deputat yordamchisi.