Yosh kuzatuvchilar uchun o’quv-seminari tashkil qilindi

Oʼzbekiston”Аdolat” SDP Buxoro viloyat Kengashi tomonidan 2023 yilning 30-aprel kuni boʼlib oʼtadigan referendumda partiya nomidan ishtirok etuvchi yosh kuzatuvchilar bilim koʼnikmalarini oshirish maqsadida viloyat Kengashi faollar zalida oʼquv seminari tashkil etildi.

Oʼquv seminar tadbirida viloyat Kengashining tashkiliy ishlar bo’yicha rais o’rinbosari Rauf Suvonov so’zga chiqib, davlat va fuqarolar uchun muhim bo‘lgan qarorlarni qabul qilishda xalqning bevosita ishtirokini ifodalaydigan referendum haqida gapirdi. So‘ngra ushbu jarayonda siyosiy partiyalar kuzatuvchilarining huquqiy maqomi, referendum jarayonlarining ochiq va oshkoraligini taʼminlashda kuzatuvchilarning o‘rni va ahamiyati, referendumga tayyorgarlik ko‘rish va o‘tkazishdagi huquq, majburiyatlari haqida batafsil maʼlumotlar berib, ularga partiya nomidan ishtirok etish uchun kuzatuvchilik mandatlarini topshirdi.Tadbir qizgʼin bahs-munozara tarzida boʼlib oʼtdi. 

Ishtirokchilar mavzuga oid oʼzlarini qiziqtirgan barcha savollarga javob oldilar.

 Mohigul Rahimqulova,

"Adolat" SDP Buxoro viloyat Kengashi matbuot kotibi.