Yoshlar parlamentiga saylovlar qizgʻin tus oldi

Аyni kunlarda Oʻzbekiston Respublikasi Oliy Majlisi Qonunchilik palatasi huzuridagi Yoshlar parlamentiga saylov jarayonlari boʻlib oʻtmoqda. Mazkur saylov ikki yarim yilda bir marotaba 3 bosqichda oʻtkazilib, tashabbuskor va faol yoshlar jalb qilinadi. Partiyaning viloyat Kengashida boʻlib oʻtgan saylovning ikkinchi saralash bosqichida shunday yoshlarning siyosiy bilim va koʻnikmalari sinovdan oʻtdi.

Saralash bosqichi ochiq va shaffof, adolatli oʻtishi uchun partiya viloyat Kengashi vakillari, faollari va deputatlardan iborat hakamlar hayʼati tarkibi shakllantirildi.

Oʻzining huquqiy va siyosiy bilimlariga ega qonun ijodkorligiga hissa qoʻshib, faol fuqarolik pozitsiyasini namoyon eta oladigan yoshlar kelajakdagi maqsadlari bilan oʻrtoqlashdi. Saylovoldi dasturlari, ertamiz egalarini qiynab kelayotgan muammolarga yechim boʻluvchi takliflari, yangi loyiha va dasturlari bilan qatnashib, nomzodligini himoya qildilar.

– Yoshlar oʻrtasida maʼnaviy muhitni barqarorlashtirish, sogʻlom turmush tarzini targʻib etish, jinoyatchilik va diniy oqimlarga qoʻshilib qolish holatlarini oldini olish boʻyicha takliflarim bilan ishtirok etdim, – deydi 106-Bagʻdod saylov okrugidan Sultonxon Аlixonov. – Mehnat faoliyatim davomida yoshlar bilan tizimli ishlaganim uchun ularning kayfiyati, sharoiti, oʻy-fikrlari menga tanish. Turli sabablarga koʻra notoʻgʻri yoʻlga kirib qolgan tengdoshlarimizning hayotini oʻzgartirishga taʼsir oʻtkaza olamiz. Eng avvalo bunga sabab boʻluvchi omillarni bartaraf etgan holda ularni qoʻllab-quvvatlashimiz lozim.

Saralash bosqichi yakunlariga koʻra, eng koʻp ball toʻplagan 3 nafar nomzodlar respublika bosqichida qatnashadilar. Yakuniy bosqich

15-22 fevral kunlari oraligʻida oʻtkaziladi.

“Аdolat” SDP Fargʻona viloyat Kengashi

Matbuot xizmati.