"Zebu zamona Zulfiya"

Bahor fasli yurtimizga sadoqat va mehr timsoli sifatida yashab ijod etib o`tgan shoira Zulfiyaning  tavallud kunida kirib kelishi bilan ahamiyatlidir.

Ushbu sana munosabati bilan Toshkent shahar Sergeli tumanidagi 352-maktabda shoira tavalludiga bag'ishlangan "Zebu zamona Zulfiya" nomli tadbir o'tkazildi. Tadbirda Xalq deputatlari Sergeli tuman Kengashi deputati Vazira Sulaymonova ishtirok etdi.

Tadbir davomida o'quvchilar tomonidan  Zulfiya hayot va ijod yo'li badiiy chiqishlar orqali namoyish etildi. Zulfiya ijodidan she'rlar yod aytildi.

Tadbir so'ngida esa Xalq deputatlari Sergeli tuman Kengashi deputati V.M.Sulaymonova badiiy kecha  haqidagi o'z fikr-mulohazalarini bildirib o`tdi. Shuningdek, Zulfiya ijod namunalari bo`yicha ma'lumotlar berib, she'rlaridan namunalar o'qib berdi.

Shahlo Xo’jaeva,

“Adolat” SDP Sergeli tuman Kengashi raisi.