“Adolat” sotsial-demokratik partiyasidan Prezidentlikka nomzod Robaxon Maxmudovaning Тoshkent viloyatidagi ishonchli vakili Gulnora Axmedova Olmaliq shahar saylovchilari bilan uchrashdi

Oʻzbekiston Respublikasi Prezidentligiga partiyamizdan koʻrsatilgan nomzodning Toshkent viloyati boʻyicha ishonchli vakili Gulnora Axmedovaning Olmaliq shaharlik saylovchilar bilan uchrashuvi boʻlib oʻtdi. Shuningdek, Prezidentlikka nomzod Robaxon Maxmudovaning Toshkent viloyatidagi ishonchli vakili Gulnora Axmedova saylovchilarga, mamlakat rivoji, fuqarolar farovonligi yoʻlida amalga oshirishga qaratilgan gʻoya va maqsadlari aks etgan Saylovoldi dasturi, unda ilgari surilayotgan ustuvor yoʻnalishlar bilan ishtirokchilarni yaqindan tanishtirdi.

Taʼkidlanganidek, nomzodning Saylovoldi dasturida mamlakatimizning sanoat salohiyatini yanada oshirish va hududlarni izchil rivojlantirishda kichik sanoat zonalari, iqtisodiy va sanoat klasterlarining muhimligi inobatga olinib, ushbu sohaning tashkiliy-huquqiy asoslarini yanada mustahkamlash, bu borada, ayniqsa, “Kichik sanoat zonalari toʻgʻrisida” qonun qabul qilishni nazarda tutuvchi maqsad va vazifalar ilgari surilmoqda.

“Adolat” SDP

Toshkent viloyati kengashi Matbuot xizmati.