Adolatli kelajakni tanlaymiz!

Bugun Buxoro davlat tibbiyot institutida Oʻzbekiston Respublikasi Prezidentligiga “Adolat” sotsial-demokratik partiyasidan koʻrsatilgan nomzod Robaxon Maxmudovaning saylovchilar bilan uchrashuvi boʻlib oʻtdi

Uchrashuvda partiyaning mahalliy Kengash deputatlari, oliy oʻquv yurtining professor-oʻqituvchilari, mahalla faollari, nuroniylar, talaba-yoshlar, hamda ommaviy axborot vositalari vakillari ishtirok etishdi.

Tadbirni nomzodning Buxoro viloyatidagi ishonchli vakili, partiyaning Buxoro viloyat Kengashi raisi Maqsud Hamidov kirish soʻzi bilan ochdi.

Shundan soʻng Prezidentlikka nomzod Robaxon Maxmudova  oʻz Saylovoldi dasturida ilgari surilgan ustuvor gʻoyalar, maqsadlar, asosiy masalalarni saylovchilar eʼtiboriga havola etdi.

Nomzodning 9 ta ustuvor yoʻnalishdan iborat saylovoldi dasturida huquqiy davlat qurish, ijtimoiy adolatni va milliy iqtisodiyotimizning barqaror oʻsishini taʼminlash, ilm-fan, innovatsiyalar va taʼlim sohasini barqaror rivojlantirish, aholi salomatligini muhofaza qilishga doir takliflar ilgari surilmoqda.

Tadbir nihoyasida nomzod tomonidan saylovchilarni qiziqtirgan savollarga atroflicha javob berildi.

Robaxon Maxmudovaning saylovchilar bilan uchrashuvlari davom etadi.