Deputat  aralashgach 100 nafardan ortiq ayollar banklardan kredit olib, o’z tadbirkorligini yo’lga qo’ydi

  O’zbekiston Qahramoni, fidoyi partiyadoshimiz Muxabbat Sharapova shu  kunlarda prezidentimizning mamlakatimiz yashil boyligini yanada ko’paytirish, barcha hududlarda mevali va manzarali daraxt nihollari ekish haqidagi tashabbusini qo’llab-quvvatlab, alohida namuna ko’rsatayapti. Bu xayrli va savob ishga ko’plab yurtdoshlarimizni ham undamoqda. 

Xalq deputatlari Qashqadaryo viloyat Kengashi deputati Muxabbat Sharаpova o’tgan oyda  Qarshi shahridagi Shayxali MFY aholisi bilan uchrashganda fuqaro  Norjamol  Shoymardonova kasalmand ekanligi  tufayli davolanishi uchun order olib berishda yordam so’radi. Muhabbat Sharopova fuqaro murojaatini o’rganib, unga tegishli muassasalardan order hamda moddiy yordam olishida ko’mak ko’rsatdi. 

 Deputat viloyatdagi xotin-qizlarni  huquqiy himoya qilish, ularning bandligini ta’minlash borasida ham   jamoatchilik asosida viloyat hokimligida faoliyat yuritib kelmoqda. Deputat sa’i-harakati  va partiyamiz faollari ishtirokida yil boshidan buyon 130 nafar xotin-qizlarni ish  bilan ta’minlanishiga erishildi. 100 nafardan ortiq ayollarga  banklardan kredit olishlariga  ko’maklashib o’z bizneslarini yo’lga qo’yib olishlariga yordam berildi. Bundan tashqari, 1800 nafardan ortiq xotin-qizlarga zarur huquqiy tushunchalar berildi.

                                                        Akmal  Hayitov,

                                    “Adolat” SDP Qarshi shahar Kengashi raisi