Mahalladagi muammolar “adolatchilar” eʼtiborida

“Adolat” SDP bugun boshqa siyosiy institutlar kabi jamiyatning eng faol guruhiga aylanmoqda. Sababi, “adolatchilar” har sohada faol, tashabbuskor. Joylardagi mavjud muammolarning yechimini topishda ham eng ishonchli institutlardan biri.

Partiyaning Shahrixon tuman kengashi faollarining “Muammo bilan yuzma yuz” loyihasi doirasida Abdusamat MFY aholisi bilan uchrashuvida ham yuqoridagilar oʻz ifodasini topdi. Ishchi guruh aʼzolari mahalladagi 18 ta xonadonda boʻlib, fuqarolar bilan suhbat oʻtkazdilar. Oʻz oʻrnida mahalla ahli “adolatchilar”ga muammolarini aytdi. Shu kunning oʻzida 3 nafar fuqaroning bandligi taʼminlandi, 2 nafar xotin-qiz salomatligini tiklash uchun shifoxonaga joylashtirildi.

Azamjon Xoliqov, “Adolat” SDP Shahrixon tuman kengashi raisi:

-Abdusamatliklarni qiynayotgan eng katta muammo-maishiy chiqindilarni vaqtida olib ketilmayotgani. Koʻcha va xonadoni toza boʻlishini kim istamaydi. Fuqarolarning eʼtirozi asosida masʼul tashkilotlarga chiqildi. Muammo yechimini topdi.

Mahalladagi yana bir muammo 17-maktabgacha taʼlim tashkilotiga qoʻshimcha bino qurish zarurligi. Bu masala mahalliy kengash deputatlari oldiga vazifa qilib qoʻyildi.

“Adolat” SDP Andijon viloyati kengashi

Matbuot xizmati.