“Mening hunarim — mening faxrim” hamkorlik memorandumi

Xalq deputatlari Fargʻona viloyat Kengashining “Xotin-qizlar va gender tenglikni taʼminlash doimiy komissiyasi”, viloyat Xotin-qizlar tadbirkorlik oʻquv markazi, Bagʻdod tumani hokimligi hamkorligida tumanidagi 17-umumiy oʻrta taʼlim maktabida “Mening hunarim — mening faxrim” hamkorlik memorandumi asosida kasbiy-amaliy seminar oʻtkazildi.

Eʼtiborlisi shuki, oʻquvchi qizlarning katta hayot uchun shakllanishida muhim asos boʻla oladigan rejali hunar oʻrgatishga qaratilgan tadbir mehmoni senat raisi Tanzila Narbaeva boʻldi. Xotin-qizlar va gender tenglik masalalari borasida Oʻzbekiston Respublikasi Oliy Majlisi senati tomonidan amalga oshirilayotgan ishlar yuzasidan senat raisi T.K.Narbaevaning fikrlaridan soʻng “Mening hunarim — mening faxrim” loyihasi asosida tashkillanayotgan oʻquv dasturlari taqdimoti boʻlib oʻtdi.

Amalga oshirilgan yangicha hunar oʻrgatish metodlari, yaʼni ishlab chiqarishni savdo bilan bogʻlab, oʻz-oʻzini taʼminlash toʻgʻri, izchil va foydali koeffitsiyenti bilan birga yoʻlga qoʻyilgani muhim ahamiyat kasb etadi.

“Adolat” SDP
Fargʻona viloyat Kengashi Matbuot xizmati.