Tengdoshim, Konstitutsiyamizni oʻrganamiz

Ayni kunlarda Oʻzbekiston “Adolat” SDP tomonidan oʻtkazilayotgan “Konstitutsiya bilimdoni” koʻrik-tanlovi ishtirokchilari ana shunday shior bilan chiqmoqda. “Yosh huquqshunoslar” yangilangan Konstitutsiyamizga kiritilgan oʻzgartirishlarni tengdoshlari orasida targʻib qilish barobarida unga amal qilishlik har birimizning fuqarolik burchimiz ekanligini taʼkidlamoqda.

Koʻrik-tanlovning Jalaquduq tuman bosqichi ishtirokchilari bu harakatning eng faol ishtirokchilari boʻlyapti. Tumandagi 1-son kasb-hunar maktabida oʻtkazilgan tadbir bilimdonlar uchun sinov boʻldi. Savol-javoblarda faollik koʻrsatgan oʻquvchilar sahnada ham huquq va burch mavzusini ochib berdi.

Hakamlar tomonidan har bir ishtirokchining chiqishi yuqori baholandi. Shunga qaramay gʻoliblik ular orasida Asadbek Aslanovga nasib etdi.

“Adolat” SDP Andijon viloyati kengashi

Matbuot xizmati.