Xalq Konstitutsiyasi bilan xalqchil davlat sari

Nurafshon shahridagi 12-sonli Bolalar musiqa va sanʼat maktabida maʼnaviyat festivali doirasida “Xalq konstitutsiyasi bilan xalqchil davlat sari” shiori ostida maʼnaviy-maʼrifiy tadbir boʻlib oʻtdi.
Unda “Maʼrifat” targʻibotchilar jamiyati aʼzosi, Oʻzbekiston “Adolat” SDP Xalq deputatlari Toshkent viloyati Kengashi deputati Gulnora Ahmedova maʼruza qildi. Oʻzbekiston Respublikasida xizmat artist Tojibar Azizova oʻz qoʻshiqlari bilan tadbir ishtirokchilariga koʻtarinki kayfiyat bagʻishladi.
Tadbirda Respublika Maʼrifat targʻibotchilari jamiyati aʼzolari – Oʻzbekiston yozuvchilar uyushmasi aʼzosi Dilshod Rajabov, Oʻzbekiston Respublikasida xizmat koʻrsatgan artist Barno Qodirova va xonanda Maftuna Toʻrayeva chiqishlari ham katta taassurot qoldirdi.
“Nurafshon city” qurilish kompleksida hamda 48-maktabda ham tadbirlar koʻtarinki kayfiyatda boʻlib oʻtdi.